Lebron wala malipay resulta sa MVP

CEBU, Philippines — Wala malipay si Los Angeles Lakers superstar LeBron James sa resulta sa karera pagka-Most Valuable Player ning NBA season.   

"Pissed me off. That's my true answer, "buhagay pa ni James, nga mitapos sa ikaduhang puwesto sa karera pagka-MVP sa ikaupat nga higayon sa iyang karera.

Ang gibayaw nga MVP sa liga mao si Giannis Antetokounmpo sa Milwaukee Bucks.

Mao kadto ang ikaduhang sagunson nga MVP award sa gibansagan nga "Greek Freak".

Napilde ni Giannis si LeBron sa botasyon human makakuha og 85 sa posibleng 101 ka first-place votes.

Wala mahimuot si James nga nakakuha lamang siya og 16 ka boto.