Pang-Masa ( Leaderboard Top ), pagematch: 1, sectionmatch: 1

Marian bagay sa Gabay Guro!

Excited na ang mga guro dahil dalawang araw na lang, magkakasama-sama na uli sila sa big event na kanilang pinakahihintay, ang 10th anniversary celebration ng Gabay Guro na magaganap sa Mall of Asia Arena sa September 17.

Looking forward ang mga teacher na mapanood ang special performances ng friends ng Gabay Guro like Martin Nievera, Lea Salonga, Gary Valenciano, Pops Fernandez, Jona at maraming-marami pa.

Siyempre, ang raffle draw ang highlight ng pagdiriwang dahil dalawang sasakyan at house and lot lang naman ang mapapanalunan ng lucky winners.

Hindi uuwi na luhaan ang mga teacher dahil sa consolation prizes at freebies na natatanggap nila mula sa Gabay Guro.

Project ng PLDT at nina Chaye Cabal-Revilla at Gary Dujali ang Gabay Guro na karapat-dapat na suportahan natin.

Bukod sa mga magulang, ang mga tea­cher ang tunay na naging gabay natin, sila rin ang naghulma at nag-ayos sa ating formative years. Sila ang katulong ng mga nanay natin.

Pang-Masa ( Article MRec ), pagematch: 1, sectionmatch: 1

Ang mga teacher ang next person of authority na ating kinalakhan. Hindi n’yo ba napansin, kahit saan makarating ang isang estudyante, kahit naging Presidente na siya, doktor, abogado o anupaman, pag nakita nila ang mga dating teacher, “ma’am” pa rin ang tawag nila?

Forever respect ang iniuukol natin sa mga naging teacher natin, at hanggang sa pagtanda, ‘di ba madalas na sila pa rin ang pumapasok sa isip natin?

Natatandaan natin mga sinabi nila, itinuro, ‘yun bang out of the blue sasabihin mo, hindi ‘yan ang itinuro ng teacher ko. Ganito ang sinabi niya na gawin ko.

Forever ang marking na nasa utak natin para sa mga guro, tulad din ng mga alaala ng mga nanay natin.

So tulad ng isang ina na iginagalang at minamahal, ganoon din tayo sa mga teacher natin.

Salamat sa PLDT at kina Chaye at Gary, dahil sa panahon at pagmamahal nila sa mga teacher. Happy Gabay Guro day sa ating lahat.

Malamang imbitado ng Gabay Guro sa big event nila si Marian Rivera dahil teacher ang role nito sa Super Ma’am, ang primetime teleserye ng GMA 7 na magsisimula sa Lunes, September 18.

Bagay na bagay na umapir si Marian sa Gabay Guro dahil guro na may super powers ang karakter ni Marian sa Super Ma’am.

Sa tunay na buhay, hindi kailangan ng mga guro ang kapangyarihan dahil maituturing na super power ang kakayahan nila sa pagtuturo sa mga estudyante.

Perfect ang pagsisimula ng Super Ma’am sa Lunes dahil ipinagdiriwang at ginugunita mula September 5 hanggang October 5 ang National Teacher’s Month. Ito rin ang reason kaya idinaraos tuwing buwan ng September ang Gabay Guro.

Pang-Masa ( Article MRec ), pagematch: 1, sectionmatch: 1
  • Follow Us: