Pang-Masa ( Leaderboard Top ), pagematch: 1, sectionmatch: 1

Show ni Marian isasabong kay Coco?!

Coco Martin

May balita na ang Super Ma’am ang itatapat ng GMA 7 sa FPJ’s Ang Probinsyano ng ABS-CBN dahil pambata ang primetime teleserye ni Marian Rivera.

Hindi pa naglalabas ng official statement ang Kapuso Network kaya pahulaan pa kung pagpapalitin ang mga timeslot ng Super Ma’am at ng Alyas Robinhood ni Ding­dong Dantes.

Bukas pa natin malalaman ang final decision ng GMA 7 management, kasabay ng pagwawakas ng Mulawin vs. Ravena.

Mang Ramon matalas pa rin ang memorya

Sa edad na 90, napakatalas pa rin ng memory ni former Senator Ramon Revilla, Sr. kaya aware siya sa lahat ng mga nagaganap sa paligid.

Updated si Mang Ramon sa mga current event dahil bisyo na niya ang manood ng mga news program.

Hindi lang ako sure kung nakarating kay Mang Ramon ang fake news na natsugi ang kanyang anak na si Bong Revilla, Jr. dahil hindi naman siya active sa social media.

Pang-Masa ( Article MRec ), pagematch: 1, sectionmatch: 1

But knowing Mang Ramon, walang puwedeng ilihim sa kanya lalo na kung may kinalaman sa mga mahal niya sa buhay.

Regular na nagkikita sina Mang Ramon at Bong dahil ang senior Revilla ang dumadalaw sa kanyang Jr. sa PNP Custodial Center ng Camp Crame.

Convinced na convinced ako na may agimat si Mang Ramon dahil sa kanyang stamina at mga pagsubok na napagdaanan. Kakaiba talaga ang patriarch ng mga Revilla.

John Lloyd sinuwerte sa mga tagapagtanggol

Lalakeng-lalake ang tingin kay John Lloyd Cruz ng mga kababaihan na nakapanood sa viral videos niya na kuha sa Bantayan island vacation nila ni Ellen Adarna. May mga nagsabi na hindi kailangan ng damage control sa mga inasal ni John Lloyd sa viral videos dahil nagpakatotoo lamang siya at ganoon talaga ang ugali ng mga tunay na mhin. Madali sa ibang mga tao na igiit ang kanilang katwiran dahil hindi naman sila sikat na showbiz personality at hindi role model ng mga kabataan.

Inamin na nga ni John Lloyd ang pagkakamali nang mag-apologize ito sa young boys and girls na nakapanood sa video na naka-dirty finger sign siya kaya hindi na dapat ipilit ang baluktot na katwiran na nagpakatotoo lamang ang aktor.

Tulad nang sinabi ko, ang suwerte-suwerte ni John Lloyd dahil marami ang nagtanggol sa kanya sa kabila ng mga pagkakamali niya. Feel na feel ni John Lloyd ang unconditional love ng fans na nararapat na pahalagahan niya dahil kung anuman ang mga magagandang nangyari sa kanyang buhay, malaki ang kontribusyon ng mga tagahanga.

Sam bibinyagan sa Pedro Penduko ni James

Nag-smile lang si Sam Concepcion nang may magkomento na kasama siya sa cast ng Pedro Penduko movie ng Viva Films na pagbibidahan ni James Reid.

Hindi itinanggi at hindi rin pinabulaanan ni Sam ang tsismis. Malaki ang possibility na maging co-star ni James si Sam sa Pedro Penduko dahil pareho na sila na mga contract artist ng Viva Artists Agency.

Nag-sign si Sam ng co-management contract sa VAA noong Martes at kabilang sa agreement ang pagkakaroon niya ng mga movie project.

Boyfriend si Sam ni Kiana Valenciano, ang unica hija ni Gary Valenciano. VAA contract star din si Kiana kaya may mga nagsabi na naimpluwensyahan ng dalaga ang desisyon ni Sam na mag-ober da bakod sa talent management company ng Viva Entertainment.

Pang-Masa ( Article MRec ), pagematch: 1, sectionmatch: 1
  • Follow Us: