Pang-Masa ( Leaderboard Top ), pagematch: 1, sectionmatch: 1

Luis sinusukuan na ng bashers!

Pinanindigan ni Luis Manzano ang kanyang pralala na pumapatol siya sa basher dahil bastos at palamura siya.

Hindi pinalampas ni Luis ang mga nang-ookray sa kanya at sa rumored girlfriend niya na si Jessy Mendiola.

Ang nakakaloka, ang bashers ni Luis ang sumusuko dahil sila ang nauubusan ng mga depensa at napapagod sa pagsagot.

In fairness kay Luis, sinasagot lamang niya ang mga nambabastos sa kanya. Hindi siya ang nag-uumpisa ng away at may sense ang kanyang mga sinasabi.

Kaya sa mga basher ni Luis, mag-isip-isip kayo ng maraming beses bago siya paglaruan at laitin dahil siguradong kayo ang magsisisi at mapapagod.

Hindi nawawalan si Luis ng mga one-liner na ikinaloloka at ikinakatameme ng kanyang ha­ters at bashers.

Pang-Masa ( Article MRec ), pagematch: 1, sectionmatch: 1

Piolo Regal baby na ulit

Pipirma na ng kontrata si Piolo Pascual sa Regal Entertainment, Inc. para sa pelikula na gagawin nila ni Yen Santos, ang Once In A Lifetime.

Si Dondon Santos ang direktor ng movie project na may working title na Once In A Lifetime at kukunan ang mga eksena sa New Zealand.

Nakagawa na si Piolo ng pelikula sa Regal pero matagal na ‘yon kaya happy si Mother Lily Monteverde dahil tinanggap niya ang offer.

Nakipag-meeting na si Piolo kay Dondon at sa mga produ ng Regal dahil malapit nang um­pisa­han ang shooting ng comeback movie niya sa bakuran ni Mother Lily.

Jolo at Jodi in love pa rin sa isa’t isa!

Marami ang nagtatanong sa akin tungkol sa balita na nagkabalikan sina Jodi Sta. Maria at Cavite Vice-Governor Jolo Revilla.

Ayokong makialam sa estado ng kanilang relasyon kaya isa lang ang masasabi ko, what you see is what you get.

At kung nagkabalikan nga ang dalawa, isa ako sa mga matutuwa dahil botong-boto ako kay Jodi para maging Mrs. Revilla.

Matagal at malalim ang pinagsamahan ng dalawa. Sayang naman kung hindi nila bibigyan ng second chance ang kanilang pagmamahalan. After all, mas mature sila ngayon at hindi basta-basta na mabubura ang love nila para sa isa’t-isa.

Tito, Vic, at Joey sa EB na tumanda

Happy 37th anniversary sa Eat Bulaga, ang longest-running noontime show sa Pilipinas.

Mahirap nang mapantayan at mahigitan ang Eat Bulaga dahil 37 years is 37 years.

Mga bagets pa sina Senator Tito Sotto, Vic Sotto at Joey de Leon nang magsimula ang Eat Bulaga sa Channel 9 noong July 30, 1979 at hanggang ngayon, nandiyan pa rin sila.

Marami ang mga artista at TV host ang nagsimula ang career sa Eat Bulaga kahit tanungin n’yo pa sina Alice Dixson, Jericho Rosales, Aiza Seguerra, Pauleen Luna, at Gladys Reyes na mga contestant ng mga sikat na segment tulad ng Reyna ng Santacruzan, Mr. Pogi at Little Miss Philippines.

Ang Student Canteen ng GMA-7 ang sikat na noontime show noong dekada ’70 pero tinalo sila ng Eat Bulaga. Walang nag-akala na darating ang panahon na mapapanood ang Eat Bulaga sa GMA-7 at sa dating timeslot ng Student Canteen. Bilog talaga ang mundo.

Pang-Masa ( Article MRec ), pagematch: 1, sectionmatch: 1
  • Follow Us: