Bagyo sa mahal nga adlaw

CEBU, Philippines - Gibana-bana nga mosulod sa Philippine Area of Responsibility ang usa ka bagyo atol sa Huwebes Santo ug kini tawgon og Crising.

Matud ni PAGASA Visayas chief Oscar Tabada nga ang agian sa bagyo mao ang Samar-Bicol Region.

Matud usab ni PAGASA Cebu chief Al Quiblat nga ang maong tropical depression posible nga mo-landfall sa Southern Samar ug Northern Cebu sa Sabado sa gabii.

“Kun dili mausab base sa forecast today, human sa Northern Cebu on Sunday morning third landfall sa Northern Panay Island then between Mindoro and Northern Palawan on Sunday evening una mogawas sa Philippine land mass at West Philippine Sea in Monday morning,” matud ni Quiblat.

Dugang ni Tabada nga ang Metro Cebu makasinati og pag-uwan-uwan sa hapon o gabii sa Huwebes ug Biyernes ingon man kusog nga pag-uwan sa Sabado ug Domingo.

Sumala pa ni Quiblat nga sulod sa 68 ka tuig, ika-12 pa kini ang bagyong Crising, kung madayon, nga adunay bagyo sa Semana Santa tungod kay ting-init na. - /GMR) (BANAT NEWS)