Pia pasok sa hottest women sa UK!

MANILA, Philippines -  Pasok si dating Miss Universe Pia Wurtzbach sa Hottest Women of the Week ng GQ magazine  UK Edition.

Ang picture niyang naka-two piece nang mag-pictorial for swimwear collection ng Yamamay, ang brand na isinusuot ng mga candidate sa Miss Universe ang napili na photo ng GQ.

Pasok din sa listahan si Andrea Tovar, ang kandidata ng Colombia na kuha naman ang picture sa coronation day ng Miss Universe na ginanap sa bansa noong January 30.

Janine Gutierrez at Ken Chan

Janine at Ken masusubukang mag-‘day off’

May bagong hosts ang reality TV show na binibigyan ng reward ang mga hard-working Pinoys ng much needed break, ang Day Off ng GMA News TV. Sina Janine Gutierrez and Ken Chan ang bagong mapapanood starting February 18 sa nasabing programa.

Twelve years old na ang Day Off at marami nang naging host. Nanguna si Carmina Villaroel, Isabel Oli and Bela Padilla.

At ang pagkakatulad nilang tatlo, lahat sila nasa ABS-CBN na.

Kaya naman may nagtanong kay Janine na baka sign na rin ito lilipat siya sa Kapamilya network? Mabilis ang sagot ni Janine na never itong mangyayari. 

Bago sila, huling naging host ng programa si Julie Anne San Jose.

Dream come true for both Kapuso artist ang pagho-host sa Day Off dahil halos kalahati na ng edad nila ang programa. “I’ve always been a fan of the show and I got excited every time they used to ask me to guest,” sabi ni Janine na wala raw ka-Valentine. “In the few episode I’ve done, I’ve met so many ama­zing, hardworking Filipinos and I learned so much from them,” sabi ni Janine kahapon tungkol sa bagong pagkakaabalahan.

Sabi naman ni Ken, bata pa lang ay madaldal na siya kaya magandang outlet sa kanya ang Day Off. “It’s a great feeling to be trusted with such a task. I’m so blessed and thankful,” sabi ng actor na in real life ay walang ‘day off’ sa rami ng trabaho.

First time nilang magkakasama sa isang programa.

“I’m excited to work with Ken. I admire the way he does drama so let’s see if he could also pull off the challenges in Day Off,” hamon ni Janine.

“We’ve never worked in a teleserye or anything. I’m very happy that I’ll be with a beautiful actress and host,” papuri naman ni Ken sa kanyang bagong co-host.