3 obrero binoga habang tulog

MANILA, Philippines - Tatlong construction worker ang pinagbabaril habang mahimbing na natutulog sa kanilang tinutuluyang bahay sa Barangay Payatas kahapon ng madaling araw.

Nasawi noon din ang dalawa na kinila­lang Oliver Balising No. 121 Orchid St., Brgy. Payatas at Arnulfo Dasig, 62,ng No. 130 Gumamela St.,habang malubhang sugatan at nakaratay ngayon sa East Avenue Medical Center  si  Edgar  Las Pinas, 43, ng San Roque St., Payatas, QC.

Base sa ulat,dakong alas-12:00 ng madaling araw ay mahimbing na natutulog ang mga biktima sa tinutuluyan nilang bahay sa Gumamela St., Payatas ng pasukin ng hindi pa kilalang mga suspek at walang kaabog-abog na pinagbabaril.

Patuloy ang imbestigasyon ng pulisya sa motibo ng pamamaslang.