Perpetual tandem sumosyo sa liderato sa NCAA beach volley
MANILA, Philippines - Naibaon nina University of Perpetual Help System Dalta brothers Relan at Rey Taneo Jr. ang come-from-behind 18-21, 21-15, 17-15 win laban kina Emilio Aguinaldo College bets Joshua Mina at Paolo Cezar Lim upang makisalo sa liderato sa men’s division ng NCAA Season 92 beach volley tournament kahapon sa Subic Park Hotel beach sands sa Subic Bay.
Ito ang ikaapat na sunod na panalo ng Perpetual Help para saluhan sa unahan ng standings ang Lyceum of the Philippines University na may parehong 4-0 marka.
“We’re just determined to win here,” wika ni Relan na bahagi ng indoor volleyball team na natalo sa Johnvic de Guzman-led St. Benilde team sa finals.
Nakabawi ang Taneo brothers nang patumbahin nila ang Benilde na binanderahan nina De Guzman at Owen Bacani, 21-17, 21-18 sa opening day.
Napanatili naman nina Jhonel Badua at Meko Franz Binas ang malinis na rekord ng Lyceum nang gapiin nila sina Emilio Aguinaldo spikers Joshua Mina at Paolo Cezar Lim, 21-14, 21-14.
Sa women’s division, iginupo nina Marjito Medalla at Maria Aurora Tripoli ng Perpetual Help sina Kathleen Barrinuevo at Honey Kris Laserna ng Letran, 21-14, 21-10 at sina Arellano University bets Regine Anne Arocha at Jovielyn Grace Prado, 21-14, 21-16, para manatiling malinis ang kanilang rekord.
Tinalo naman nina San Beda twins Maria Jeziela at Maria Nieza Viray sina St. Benilde duo Ma. Angela Enginco at Ma. Kaila Selena Mendoza, 21-11, 25-23, gayundin sina Mapua pair Shaira Mahe Hermano at Kimberly Joy Luzon ng Mapua, 21-6, 21-15,
Wala pa rin talo sa tatlong laro sina three-peat champions Grethcel Soltones at Alyssa Eroa na nagtala ng 21-13, 21-15 panalo kina Barrinuevo at Laserna.
- Latest
