7 anyos ni-rape slay sa sementeryo
MANILA, Philippines – Mahigit isang linggo bago ang paggunita sa UNDAS, isang pitong taong gulang na batang babae ang ginahasa at pinaslang ng kanilang kapitbahay sa loob ng isang sementeryo sa Malabon City kamakalawa ng gabi.
Kinilala ni Police Senior Supt. John Chua, hepe ng Malabon City Police ang biktimang si Maria Nelia Ramos, residente ng #87 Acero St., Brgy. Tugatog ng naturang lungsod.
Arestado naman at ngayong nakapiit na detention cell ng Malabon City Police na nahaharap sa kasong rape with homicide ang suspect na si Jay-R Payawal, 30 taong gulang.
Lumabas sa pagsisiyasat ng pulisya, alas-9:30 ng gabi nang matagpuan ni PO1 Donald Lopez ng Malabon Police Community Precinct (PCP) 4 ang biktimang si Ramos na basag ang bungo, walang saplot na pang-ibaba at wala ng buhay sa loob ng Tugatog Cemetery sa Dr. Lascano St., ng naturang lugar.
Positibong itinuro ng isa sa mga testigo na huling kasama ng bata ay si Payawal at kaagad itong inaresto ng mga kagawad ng Malabon City Police sa pamumuno ni Sr. Inspector Joseph Gordovez.
Ayon pa sa pulisya, may mga palatandaan na hinalay muna ang bata bago pinalo o iniuntog ng ilang beses ang ulo sa semento hanggang sa mamatay.
Sa tala ang suspect ay nasa listahan ng Brgy. Anti-Drug Abuse Council (BADAC) ay una nang sumuko sa Oplan Tokhang ng PNP.
- Latest