Pagkaon nga ang seks paganahon (1)

Daghan ang nagpakisusi nato nga unsa kuno’y maayong pagkaon nga makapagana sa libido, kay dili na man gud kuno aktibo ug pirme lang nangyugpos nga wala nay ikabuga sa kombate sa pagseks. Unsaon, dili na mogana ang gahum sa ilang pagkalalaki, igo lang mobarug apan dili katuhog.

Naa man kunoy daghang pildoras o kapsula nga pagpabuhi sa seks libido, apan nangahadlok sila mogamit niini gumikan sa mga sayd-epek nga basin og mosamot hinuon ang problema nga hingpit na hinuon sila nga mainutil sama sa buhing patay nga dili na makahimamat sa kalalim nga gipangandoy. May nautingkayan kita nga mga pagkaon nga agresibong makapatuyhakaw sa atong gana sa seks, sama niining mosunod:

* Ang itlog — Linung-ag ang maayong kaonon dili kanang giagi og mantika o gi-scramble kay makapaluya ni. Mas maayo sab ang balut, apan duha lang kada gabii, dili magpalabi kay duna ni mga uric acid, gawas nga nagbaton ni og taas nga protina sa paglahutay o stamina sa seks libido. Ni Dr. Glassman pa, ubos ni og kaloriya ug tinubdan sa  L-arginine para sa kasingkasing ug pabuhi sa gana.

* Gensing — Tanom nga ang ugat niini porma’g kinatawo sa lalake. Sa pagtuon sa University sa Hawaii, nadiskubrehan nga kadtong nanginom og suplemento sa gensing sulod sa usa ka bulan, 68% nisaka ang lebel sa libido. Ni Glassman pa, i-apil ni  permi sa mga pagkaon.

* Black raspberries — Ang prutas ug ang liso niini makapalig-on sa utok ug panghunahuna aron pagkonektar nga mogana ang libido ug ang lahutay. Segun nila ni Drs. Anna Maria ug Brian Clement, mga director sa Hippocrates Health Institute, Florida,- ang 10 ka buok niini, o kaha usa ka kutsara sa liso niini, konsumohon kini pipila ka oras sa dili pa mokombate sa seks.