Sa Piling ng Kalapati(49)
“GUSTO ko mang makakuha ng marangal na trabaho, wala ring tatanggap dahil high school graduate lang ako. Alam ko, mali ang pilosopiyang yun dahil marami namang marangal na trabaho para sa mga kulang sa pinag-aralan, kaso nga, nasanay na ako sa mabilisang pagkita ng pera gamit ang sariling katawan.
“Magsisi man ako, nandun na. nakalublob na ako sa putik. Kahit umiyak ako nang umiyak, wala nang mangyayari. Mas mahalaga ang kasalukuyan. Kailangan kong mabuhay.
“Pero siguro kung tinanggap ako ng kapatid ko at hindi agad hinusgahan, baka hindi ako nasadlak sa pagiging sex worker. Baka may trabaho akong marangal kasi siyempre iba ang mayroong dumadamay. Mayroong nagpapayo at nagsasabing mali ang ginagawa ko. Kaso, itinakwil ako ng kapatid ko. Hindi na ako binigyan ng pagkakataong magpaliwanag at makapaghayag ng mga nangyari.’’
Huminga nang malalim si Mommy Donna.
Nagtanong si Ruth. “Hanggang ngayon wala kang balita sa sister mo?’’
“Wala.’’
“I-research natin sa FB, gusto mo?’’
“Huwag na.’’
“E dun sa Japanese na si Toshi, may balita ka.’’
“Wala! Kinalimutan na ako ng hayop na ‘yun.’’
Tumigil. Huminga muli nang malalim.
“Pero alam mo, Ruth napapanaginipan ko si Keiko – ang anak ko. Buhay daw!’’
(Itutuloy)
- Latest
