Nunal (105)
DUMATING sina Robert at Nesto mula sa Maragooc at naratnan na nila sa bahay si Cely. Shock pa rin si Cely habang kasama ang isang policewoman na nagboluntaryong babantayan ang na-shock na si Cely.
Naroon na rin ang anak na dalagita ni Cely.
Niyakap ni Nesto ang asawa. Ikinuwento ni Cely ang buong pangyayari.
Akala raw ni Cely ay katapusan na niya. Mabuti at nakatakas siya.
Pinayapa ni Nesto ang asawa.
“Mabuti at nakaligtas ka Cely.’’
“Sa simbahan ako tu-muloy, Nesto. Nang magtungo rito sa bahay ang
PDEA, nakaenkuwen-tro nila ang mga drug suspect.’’
“Salamat sa Diyos at ligtas ka pati ang ating anak.’’
Napakagat-labi si Ro-bert nang makita ang gutay-gutay na painting ni Ma-hinhin. Parang alam ng mga tauhan ni Tsekwa na doon nakatago ang CD.
Hindi alam ni Robert kung maibabalik pa sa dati ang painting. Si Mahinhin lamang ang makakasagot niyon dahil ito ang gumawa ng painting.
Pero malaki pa ang problema dahil hindi makita si Mahinhin at kapatid nitong si Bighani.
Wala silang nakuhang impormasyon kay Mahin-hin nang umuwi sila sa
Maragooc. Sabi ni Anto, nananatiling walang tao sa bahay nina
Mahinhin.
Kinakabahan na si Robert. Ano na ang nangyari kay Mahinhin.
Nasa ganoong pag-iisip si Robert nang duma-ting ang hepe ng PDEA.
Binigyan ng update si Robert. Hinahabol na pala nila si Scarface Tsekwa at maaaring madakip na nila ito.
Nagtanong si Robert.
“Sir, may balita na po ba tungkol sa girlfriend kong si Mahinhin?’’
“Hinahanap pa siya. Habang hinahabol namin si Tsekwa, ang ibang
tauhan ko ay nagha-hanap kay Mahinhin.’’
“Salamat po.’’
(Itutuloy)
- Latest