Nunal (102)
“HUWAG kang pupunta sa pulis, Cely. Delikado!’’
“Opo Sir Robert.’’
“Papunta na ang PDEA sa bahay. Baka sa oras na ito, naroon na sila,’’
“Opo Sir. Sa simbahan na lang po ako pupunta. May malapit pong simbahan dito.’’
“Okey Cely. Paalis na rin kam ni Nesto rito sa Maragooc. Huwag kang mag-alala. Mag-ingat ka.’’
“Opo. Palagay ko po, wala na ang mga taong humabol sa akin.’’
“Ilan ba sila?’’
“Apat po.’’
“Maaaring nasa paligid lamang sila kaya mag-ingat ka.’’
“Opo Sir. Yung CD po ang hinahanap nila. Palagay ko po yung painting ni Mam Mahinhin ang kanilang sinira. Narinig ko pong sabi ng pinakalider nila na baka nasa ilalim niyon ang CD. Ikinulong po kasi ako sa comfort room kaya hindi ko alam ang ginawa nila sa painting.’’
Napahinga nang malalim si Robert bago nagpaalam kay Cely.
“Okey sige, mag-ingat ka, Cely.’’
“Opo, pupunta na po ako sa simbahan.’’
Natapos ang kanilang usapan.
Nakiramdam muna si Cely bago ipinasyang umalis. Malapit na ang simbahan. Dalawang kanto lang at naroon na siya. Mas safe roon kaysa sa pulis siya magtungo.
Nagmamadali siya sa paglalakad.
Paliko na siya sa kanto nang biglang may humawak sa kanyang mga braso.
“Saan ka pupunta?’’
Parang tumigil ang mundo kay Cely.
(Itutuloy)
- Latest