Nunal (56)
“ANONG ginawa sa’yo ng DOM na Tsekwa?’’
“Pinasok ako sa aking kuwarto. Gabi. Natutulog ako.’’
“Paano nakapasok?’’
“Kasi dun mismo ako nakatira sa building na kinaroroonan ng Pugad-Uwak KTV. May sarili akong kuwarto roon. Isa iyon sa hiniling ko sa Tsekwa nang magsimula sa club. Siyempre dahil pag-aari niya ang building, may susi siya.’’
“Anong nangyari?’’
“Naramdaman ko na may nagsususi sa pinto. Ganunman, hindi ko inintindi dahil karaniwan na ang ganung tunog at isa pa, hilung-hilo na ako sa antok at pagod. Mahirap din ang magsayaw at magbuyangyang. Pero narinig ko ang kalabog makaraang isara. Nagising na ako. At nakita ko ang Tsekwa na halos lumuwa ang mga mata na nakatingin sa katawan ko. Manipis ang suot kong pantulog kaya aninag ang aking katawan. Bigla siyang naupo sa tabi ko kaya nayugyog ang kama.
“Dun na ako nagising! Nang ipatong niya ang kamay sa hita ko, natauhan na ako. Sabi ng Tsekwa, marami na raw siyang puhunan sa akin kaya kailangang singilin na ako. Sabi pa ng walanghiya, kailangan daw matikman na niya ako. Matagal na raw siyang atat na atat sa akin. At nang akmang hahawakan ang harapan ko, nahagip ko sa ulunan ng kama ko ang malaking bote ng pabango at inihampas ko sa mukha ng Tsekwa. Pero hindi rin napigilan sa matinding pagnanasa sa akin at itinuloy ang paghipo sa harapan ko. Parang hayok na aso na ang Tsekwa. Pero dahil buo ang loob ko, lumaban ako. Pinalo ko muli si Tsekwa. Ubos lakas. Sapol sa noo. Dumugo. Natigilan nang mahipo na may dugo. Sinamantala ko ang pagkakataon, nagmamadali akong lumabas sa kuwarto…’’
(Itutuloy)
- Latest