Nunal (49)
“PALAGAY ko Anto, ayaw ni Mahinhin na masira ang pagkakilala sa kanya ni Bighani kaya nang itanong ko sa kanya ang tungkol kay Bianca ay nagulat siya. Hindi siya nakapagsalita.’’
“Inililihim niya ang naging trabaho sa Maynila, ganun ba?’’
“Oo, Anto. Siyempre ayaw niyang ipaalam na nag-dancer siya habang nasa Maynila.
“E ano naman ang pagkaalam ni Bighani na trabaho ng kanyang Ate Hinhin sa Maynila.’’
“Artist daw.’’
“Artist? Yung mga nagdodrowing?’’
“Oo. Pintor daw si Mahinhin. Katunayan, e mayroon siyang pini-paint sa kanilang bahay. Yun daw ang trabaho ni Mahinhin sa Maynila hanggang sa magsara raw ito.’’
“Talagang lihim na lihim ang trabaho ni Mahinhin ano? Maski ang mga taga-Maragooc ay walang nakakaalam na nude dancer si Mahinhin. Pero bakit kaya ang pagsasayaw ng hubad ang pinasok niyang trabaho. Wala na bang ibang trabaho maliban sa pagsasayaw nang hubad?’’
“Hindi ko rin alam ang sagot, Anto. Pero tama ka puwede namang magtrabaho sa fast food chain ano bilang crew. Siguro’y dahil sa malaki ang bayad sa pagsasayaw kaya tinanggap niya. Naging star dancer nga siya.’’
“Sana makausap mo siya Robert.’’
“Yan ang gagawin ko.’’
KINABUKASAN, inabangan ni Robert ang paglabas ni Mahinhin sa bahay. Hanggang matiyempuhan niya. Maliligo ito sa ilog. Susundan niya.
(Itutuloy)
- Latest
