Nunal (26)
KUMISLUT-KISLOT ang kobra sa pagkakahawak ni Anto. Nagpipilit makawala pero sanay na sanay humawak si Anto kaya hindi makawala.
“Putsang kobra ‘to ah! Kundi lang bawal patayin ito e kanina ko pa tinaga!’’ Sabi nitong nanggigigil sa kobra.
“Talaga palang sumusunod ka sa batas, Anto. Kung sa iba ‘yan ay pinatay na.’’
“Oo. Kasi’y mauubos na raw ang specie nitong kobra na ito kaya kung maaari, huwag papatayin.’’
“Paano kung makakagat ‘yan at mamatay ang biktima.’’
“Ibang usapan na ‘yun Robert. Kung kanina e nakagat ka nito, baka nataga ko na ito! Mabuti na lang at pumuporma pa lang nang makita ko.’’
“Hindi nga ako gumagalaw at baka tuklawin ako.’’
“Tama ang ginawa mo. Huwag kang kikilos.’’
“Mabuti na lang at nakita mo ako, Anto.’’
“Pauwi na talaga ako at dito ako napadaan. Balak ko sanang magtungo sa Ilog Pola para mamambis ng paitan. Hanggang sa makita kita.’’
“Salamat uli ha.’’
“Tayka sino yung hinahanap mo rito sa Maragooc?’’
“Babae ang hinahanap ko, Anto.’’
“Aba bakit nawawala ba?’’
Napangiti si Robert.
“Hindi naman. Natipuhan ko lang at sinundan ko.’’
Nagtawa si Anto.
“Ah ganun ba? E anong pangalan ng tsik?’’
“Bianca.”
“Bianca?’’
“Oo. May kilala kang Bianca rito?’’
“Wala akong kilalang Bianca rito. Ang mga pa-ngalan kasi ng babae rito e mga purong Tagalog. Gaya ng Marikit, Mayumi, Ma-hinhin, Maganda…’’
“Ganun ba?’’
“Oo. Sa babae lang naman. Nakaugalian na rito ang pagpapangalan ng mga purong Tagalog.’’
“Ganun pala rito sa Maragooc.’’
“Oo. Pero baka naman nagbabakasyon lang dito ang sinasabi mong Bianca.’’
“Sabi kasi e taga-rito si Bianca. Umuwi na raw dito sa Maragooc.’’
“Sino kaya yun? Baka naman alyas lang niya ang Bianca. Hindi kaya?’’
“Hindi ako sigurado Anto.’’
“Paano mo makikita yun? Sabagay pagna-kita mo naman siya e di makikilala mo ano?’’
“Oo.’’
“E may titirahan ka ba rito?’’
“Wala nga, Anto. Meron ka bang alam na puwedeng ren- tahang bahay dito?’’
“Wala! E di kung gusto mo sa bahay ka na lang muna tumira.’’
(Itutuloy)
- Latest
