Nunal (15)
“BUHAY na buhay ang nunal ni Bianca, ano Sir?’’
“Alam mo ba kung ano ang ibig sabihin ng nunal sa likod ng hita?’’
“Hindi Sir. Wala akong alam sa ganyan.’’
‘‘A akala ko may nalalaman ka dahil nakita mo ang nunal ni Bianca.’’
‘‘Wala Sir. Saka wala naman sigurong ibig sabihin ang nunal ni Bianca.’’
‘‘Sa palagay mo, anong nangyari kay Bianca at bigla na lamang hindi pumasok dito?’’
“Wala akong ideya Sir. Ano po bang sabi ni Jinkee?’’
“Wala ring alam. Tinanong ko kung alam niya ang tirahan ni Bianca basta ang sinabi e Miguelin. Alam mo ba ang Miguelin?’’
“Miguelin? Ano yun Sir?’’
“Hindi nga clear sa akin kung street ba yun. Mahina ako sa geography.’’
“Mas lalo ako Sir. Dito kaya sa Pasay yung Miguelin?’’
“Wala nang ibang alam si Jinkee. Hindi naman daw talaga sila magkaibigan dahil nga parang moody si Bianca.’’
Napatangu-tango ang waiter.
“E di hindi ka na pupunta rito sa Pugad-Uwak Sir?’’
“Dadalaw-dalaw ako. Baka biglang sumulpot si Bianca.’’
‘‘Sige Sir, aabangan kita.’’
LAGING iniisip ni Robert si Bianca. Para siyang baliw na nag-iisip sa babaing hindi naman siya kilala. Kung may makakaalam ng kanyang mga iniisip, baka sabihing baliw nga siya. Saan naman nakakita ng lalaking dahil naniniwalang ang babaing may nunal sa likod ng tuhod ay magiging perfect wife ay pilit na naghahanap nito. At nang makita si Bianca na may nunal sa likod ng hita ay ito na ang naging laman ng kanyang isip. Baliw na yata siya dahil desperado nang makapag-asawa.
Saan kaya niya hahanapin si Bianca?
(Itutuloy)
- Latest