Nunal (7)
GUMIGILING na ang mga dancer sa entablado. Maharot ang music na parang nagpapayanig sa kabuuan ng KTV. Nalalanghap ni Robert ang usok ng sigarilyo. Hindi siya sanay sa ganitong lugar. Parang tumutusok sa utak niya ang usok ng sigarilyo.
Dumating ang kanilang order na beer at pulutang crispy pata.
“Inom na tayo mga friend. Mas masarap manood ng mga kilo-kilong karne kapag may karga,” sabi ng isang kasama sabay dampot sa malamig na beer at tinungga. Nang ibaba ang bote ay kalahati ang laman. “Sarappp!’’
Ang isa pa nilang kasama ay dumampot na rin ng beer. Uminom. Nang ibaba ay mataas na kalahati.
“O Robert, inom ka na! Hindi naman mawawala yang pinanonood mo. Inom na!’’
Dinampot ni Robert ang isang bote. Peo bago ininom ay namulutan muna. Masarap ang crispy pata lalo nang isawsaw sa espesyal sauce. Nang makapamulutan, saka tinungga ang beer.
“Sarappp!” sabi niya makaraang ibaba.
“Okey dito ano, Robert?’’
“Oo. Wala akong masabi.’’
“Maya-maya pa, wala nang damit ang mga ‘yan. Ihanda mo ang mga mata mo, Robert at baka ma-shock ka.
Maya-maya pa, nag-iisa na lamang sa gitna ng entablado ang dancer. Nakatalikod ang dancer.
Hanggang nakita ni Robert ang nunal sa likod ng kanang hita. Maitim ang nunal. Sayang, bakit hindi sa likod ng tuhod.
(Itutuloy)
- Latest