Damo sa Pilapil (86)

“FIRST time ko itong makarating sa isang resort, Zac,” sabi ni Mam Dulce na halatang excited nang makarating sa Encarnado Resort. “Hindi ko napagtuunan ng pansin dahil nakapokus ako sa abroad. Magsasawa rin pala ako sa kata-travel.’’

“Halos nalibot mo na siguro ang mundo Mam pero itong bansa natin hindi pa. Hindi mo alam na may mga magagandang lugar pala gaya ng Encarnado.’’

“Tama ka! Marami na akong napunta­hang bansa pero ni minsan hindi ko man lang nabisita ang mga naggagandahang tanawin sa bansa natin. Kung minsan, nakaka-guilty. Mabuti na lang at nasabi mong may alam kang magandang resort. Siguro, sunud-sunod na ang pag-a-outing natin. Lalo at papalapit na ang summer. Makakasama ka kaya lagi e bossing ka na sa kompanya.’’

“Oo naman, Mam. Mga one o two days lang naman tayo kaya puwede ako.’’

“Sige. Mabuti rin ngang makapahinga. Balita ko e seryosong-seryoso ka sa bago mong posisyon. Baka mamaya niyan e ikaw na ang pinakamataas sa kompanya. Wow!’’

“Naku marami pa po akong kakaining bigas, Mam.’’

“Aba baka mamaya mangyari yun e mahimatay ka.’’

Napangiti lang si Zac at nagpatuloy sa pagda-drive. Alam niya nakasulyap sa kanya si Mam,

HANGGANG sapitin nila ang lugar makaraan ang mahaba-habang biyahe.

‘‘Narito na tayo sa Encarnado, Mam!’’

Humanga si Mam sa nakita.

(Itutuloy)