SEA Youth Athletic C’ship 3 silver sa Phl Jr tracksters

MANILA, Philippines - Umani ng tatlong silver medals at anim na bronzes ang Team Phi-lippines sa unang araw ng 12th Southeast Asian Youth Athletics Cham-pionship kahapon sa Ilagan City Sports Complex ng Ilagan, Isabela.

Nasungkit ni Wally Gacusan ang silver medal sa boys’ high jump event na pambuena mano sa kampanya ng host team.

Ang 17-anyos na estu-dyante ng Isabela National High School ay nagtala ng 1.81 meters habang ang teammate niyang si Janmell Francis Gervacio ay nag-uwi ng bronze medal sa 1.70 meters. Si  Vo Ngoc Long Cao ng Vietnam ang nagwagi sa gold medal sa 2.0 meters.

 “I am happy with my performance, although I could have done better if not for the knee injury I suffered during training four days before this tournament. This is my first international competition. I know the best players are here so I real-ly gave my best,” sabi ni Gacusan.

Si Ilagan City Mayor Evelyn Diaz mismo ang umakyat sa podium para magbigay  ng medalya sa tubong Isabelang si Gacusan na anak ng isang corn farmer.

Nangako naman si Mayor Diaz na magbibigay ng cash incentives sa mga mananalo ng medalya sa kumpetisyon at pati na sa 2017 Ayala Philippine National Open Invitational Athletics Championships na mag-uumpisa sa Huwebes sa parehong venue.

Mahigit P10,000 ang matatanggap ng gold me-dalists habang P8,000 sa silver medalists at P5,000 sa bronze medalists, ayon kay Mayor Diaz.

Ang iba pang nag-uwi ng medalya ay si Josh Buenvesta, anak ni marathoner Eduardo na nagtala ng siyam na minutos at 25.85 segundos para sa bronze medal ng boys 3,000-meter run. Si Hendrik Marlyonda ng Indonesia ang nanalo sa gintong medalya sa 9:07.36 habang si Syed Hussein Aljuneid ng Singapore sa silver medal.

“I’m not yet satisfied. I feel I could have done better. I fell on the stairs three days ago, so I can feel the pain on my right thigh,” sabi ng 15-anyos na si Buenavista na high school student ng Baguio National Science High School.

Ang iba pang mga nananalo ng gold medal sa unang araw ay sina Namee Satapor ng Thailand sa boys’ long jump, Thi Trang Dang ng Vietnam sa girls’ javelin throw, Jeany Nurauni Amelia Agreta ng Indonesia sa girls’ 100-meter run, Kittipoom Khotsara ng Thailand sa boys’ 100-meter run, Thi Kanh Ny Ngo ng Vietnam sa girls’ 800-meter run, Wempy Pelomania ng Indonesia sa boys’ 800-meter run, Jakkapat Noisri ng Thailand sa boys’ discuss throw event at  Thu Hang Doan ng Vietnam sa girls 3,000-meter run. (FC)