Salome (119)

LIHIM na nagkita sina Mam Pilar at ang driver-lover nitong si Jeffrey sa isang restaurant na nasa loob ng mall. Mahalaga ang pinag-usapan nila

“Ipakikilala kita kay Hector, Jeff.’’

Gulat na gulat si Jeffrey sa sinabi ni Mam Pilar.

“Bakit mo ako ipakikilala? Delikado yata yun!’’

“Huwag ka munang kumatsang at hindi pa ako tapos no?’’

“Ano ba yung plano mo Pilar?’’

“Ipakikilala nga kita kay Hector at sasabihin ko na ikaw ang tumulong kay Amy nang barilin ito ni Salome. Ikaw ang parang testigo sa pamamaril. Sasabihin ko, kung hindi sa’yo ay baka nabaril uli si Amy. At saka ko sasabihin na kunin ka nang drayber dahil maaasahan ka.

Napamaang si Jeffrey.

“Ganun ba, Pilar. Naku e di gagalingan ko ang arte sa harap ni Sir Hector. Kahit di mo ako bigyan ng script, kaya ko nang umarte, he-he-he! Pangarap ko noon na gumanap sa teatro.’’

“’Yang lamang ang paraan para hindi tayo magkahiwalay, Jeff.’’

“Sige, gusto ko ang naisip mo, Pilar. Gusto ko rin magkasama tayo lagi.’’

“Bukas humanda ka at ipakikilala kita. Kailangang galingan mo ang pag-arte ha? Huwag kang kakabahan!’’

“Hindi ako nerbiyoso, Pilar.’’

“Okey sige. Magkita tayo sa gate bukas, alas otso ng umaga.’’

“Hindi ba mabagsik si Sir Hector?”

“Hindi mabagsik yun. Mas mabagsik ka pa nga.’’

 “Baka makahalata Pilar?’’

“Akong bahala, Jeff. Nerbiyoso ka talaga.’’

“Mabuti nang nag-iingat.’’

“Basta relaks ka lang. Galingan mo ang arte.’’

“Okey.’’

“Basta agahan mo ang punta para maipakilala kita. Okey?

“Okey, Pilarski. Ang galing mo talaga!”

Palihim na hinipo ni Jeffrey ang hita ni Pilar. Marahang-marahan.

May sumulak na init kay Pilar.

(Itutuloy)