Salome (53)

KUMATOK si Amy sa room ni Rocco. Tatlong katok.

‘‘Sino yan ?’’ Narinig ni Amy mula sa loob.

‘‘Si Amy. Dala ko ang kape mo Roc.’’

‘‘Pasok!’’

Pinihit ni Amy ang seradura. Bumukas at nakita niyang nakahiga sa kama si Rocco. Amoy sigarilyo ang kuwarto. Nakaalibadbad. Dati niyang nililinis ang kuwartong ito noong hindi pa dumarating si Rocco. Pero nang dumating, ayaw na itong ipalinis. Hindi niya alam kung bakit. Si Mam Pilar ang nagsabi sa kanya.

“Eto na ang kape mo Roc.’’

“Ibaba mo rito sa table.’’

Ibinaba ni Amy.

‘‘Sino ang nagtimpla niyan Amy?’’

‘‘Si Manang Sabel.’’

‘‘Ba’t hindi ikaw?’’

‘‘Mas sanay si Ma­nang, cook yun eh.’’

“Sa sunod ikaw na ang magtimpla, okey?’’

“Bakit?’’

“Basta.’’

“Sige. Pero baka hindi masarap ang timpla ko. Baka mapait o matabang.’’

“Pag-aralan mong magtimpla. Kape lang hindi ka marunong.’’

“Hindi kasi ako nagkakape.’’

“Ako rin hindi nagkakape.’’

“Ba’t ka nagpa­timpla?’’

“E ikaw ang nag-suggest di ba? Sabi mo gamot sa hang-over.’’

“Sinabi ko ba yun?’’

“Ano pa?’’

“O sige ako na magtitimpla. Pag-aaralan ko para sa’yo.’’

Humakbang na palabas ng kuwarto si Amy.

Pero bago siya nakalabas, tinawag siya ni Rocco.

“Sandali nga Amy. Halika nga.’’

Napatigil si Amy. Ba’t kaya?

(Itutuloy)