Kathryn binabakuran na si Daniel
Bantay-sarado ba ang ginawa ni Kathryn Bernardo kay Daniel Padilla sa ginawang pag-perform nito sa katatapos na Binibining Pilipinas coronation night? Nakunan ng kamera ang Teen Queen na kumukuha ng litrato habang kumakanta ang kanyang ka-loveteam. Napakaguwapo ni DJ pero, kahit anong pakita ang ginawa niya habang ini-entertain ang mga beauty contestants ay parang hindi siya ganun ka-relaxed sa kanyang pagkanta. Dahilan ba ito sa intimidated siya sa mga naggagandahang mga babae o dahil naroon si Kathryn? Ganito rin ang pansin ng marami kay Xian Lim na sa unang paghu-host niya ng Binibini ay wala naman siyang naging problema pero, sa pinaka-huling pageant sa Araneta Coliseum ay parang andap siya sa dating Miss Universe na si Pia Wurtzbach kumpara nung sila ni KC Concepcion ang magkasama.
Maine hindi gagamit ng ghostwriter
Tanggapin natin na maraming celebrities ang gumamit ng ghostwriter para lamang makapaglabas ng kanilang mga libro. Marami sa kanila ang umaring sila ang tunay na may akda ng kanilang libro kaysa ibigay ang kredito sa tunay na nagsulat at lagyan lamang ng “as told to”.
Sinabi ni Maine Mendoza na siya ang magsusulat ng kanyang libro. Gagawin niya ito sa mga panahong libre siya, walang shooting, taping o commercial shoot.
Ang libro ay sinimulan niyang isulat bago pa siya nag-artista. Tungkol ito sa kanyang personal na buhay, mga nararamdaman niya, mga karanasan niya. Hindi ito tungkol kay Yaya Dub o sa mga character na ginampanan niya sa kanyang movies o palabas sa TV. Tungkol ito sa kanya, kay Maine Mendoza.
Handa si Maine na tanggapin ang mga sasabihin ng mga follower at bashers niya. Mahalaga sa kanya ang mga opinyon nila bagaman at hindi siya sumasagot o nagpapaapekto sa mga sinasabi nila.
Wala pang petsa ang labas ng libro niya pero, inaasahan niyang maire-release ito bago matapos ang taon.
Derek wala nang pupuntahan?!
Napaka-ganda ng takbo ng karera ni Derek Ramsay sa ABS-CBN nang magpasya siyang lumipat ng TV5. Tinangka siyang pigilan ng Kapamilya sa pamamagitan ng mga magagandang proyekto na hindi naman niya kinagat at itinuloy pa rin ang kanyang pag-alis.
It has been quite sometime now pero hindi na nasusundan uli ang mga ginawa niyang programa sa Singko.
Ngayon gustuhin man niyang muling magbago ng network ngayon ay mayro’n pa siyang kontrata na kailangang tapusin sa TV5. Mapapayagan naman siguro siya ng network kapag nagpaalam siya pero, sa’n siya pupunta?
- Latest