Eugene greatest gift ang turing sa bf!
Ipagdiriwang ng Dear Uge, ang comedy anthology hosted by Eugene Domingo ang first anniversary nito sa February 26. Guest ng anniversary episode ang mag-BFF na sina Marian Rivera at Boobay. Sa episode, si Boobay ay mayaman at PA niya si Marian na tinataray-tarayan. Alas-sais ng umaga sinimulan ni direk Lorie Reyes ang taping at 5 pm na ito natapos.
Masaya sina Eugene, Marian, at Boobay maging ang lahat ng nasa production dahil mabilis natapos ang taping.
Bukod kay Marian, dream guest ni Eugene ang BFF niyang si AiAi delas Alas. Nataranta lang si Eugene sa comment ng kausap na reporter na kung igi-guest niya si AiAi, madaliin niya dahil may tsikang babalik ito sa ABS-CBN ‘pag nag-expire ang kontrata sa GMA-7.
Magwa-one year na ang Dear Uge pero hindi pa rin makapaniwala si Eugene na tatanggapin ng viewers ang concept nito.
Lubos ding ikinatuwa ni Eugene na sa pangalan niya naka-title ang show na napapanood every Sunday after Sunday PinaSaya.
“Lumaki akong ang show ng mga artista ay nakapangalan sa kanila. ‘Di ba may Superstar ni Nora Aunor, Sharon Cuneta Show si Sharon Cuneta. May Maricel Drama si Maricel Soriano at may Vilma si Cong. Vilma Santos.
Kaya thank you talaga sa GMA para ipagkatiwala ang Dear Uge sa akin,” patuloy ni Eugene.
Focus muna si Eugene sa Dear Uge at sa Celebrity Bluff na ibabalik this year with Edu Manzano. Next year na siya gagawa ng pelikula kasama ang isang big star na ‘di muna pinangalanan ni Eugene.
Kung masaya ang career ni Eugene, happy din ang love life niya. Pupunta rito sa April ang Italian boyfriend niyang si Danilo Bottoni.
Naniniwala ba sa kasal at forever si Eugene?
“I don’t know if I believe in love, but I believe in love and he is my forever. Nang dumating siya, I consider it my greatest gift ever at sana hindi siya magbago,” wish ni Eugene.
Case Solved ni Dingdong inaabangan na
Magpa-pilot this Saturday, February 17, after Eat...Bulaga ang dokyu series na Case Solved hosted by Dingdong Dantes. Pasabog agad ang first episode na tungkol sa nine-year-old girl na rape victim. May hugot si Dingdong sa episode lalo’t bata ang biktima.
Interesado ang audience sa Case Solved dahil trailer pa lang nito na pinost ni Dingdong ay may 55,269 views na.
Ken lumalagare
Ang sipag ni Ken Chan dahil minsan, pagkatapos ng taping niya ng Meant To Be ay diretso siya sa taping ng Day Off. Taping to taping ang schedule nito at sa car na lang natutulog.
Enjoy si Ken dahil magkaiba ang ginagawa niya sa two shows. Kung nagpapakilig siya sa MTB, extreme activities naman ang ginagawa sa isang show. Wala siyang time antukin.
- Latest
