Sun Life financial mopahigayon ‘Namaste Run’, gatosan gilauman managan
CEBU, Philippines - Gatosan ka mga runners ang gilauman nga managan sa “Namaste Run” nga gipasiugdahan sa Sun Life Financial karong Mayo 13 didto sa Terraces sa Ayala Center Cebu.
Dili hinuon kini competitive race, apan ang mga organizers nagkanayon nga gimugna nila kini aron pag-promote og healthy lifestyle sa mga Sugbuanon.
Human sa duha ka kilometro nga lumba, usa ka dakung Yoga class ang ipahigayon. Dinapit nga bisita mao ang mga fitness celebrity nga sila si Jaymie Pizarro ug Bubbles Paraiso.
Walay registration fee sa maong lumba ug ang gusto mosalmot kinahanglan lang mosayo sa binyu sa dili pa ang mosikad ang lumba sa alas-6 sa buntag. (BANAT NEWS)
- Latest