Binata binistay ng bala
MANILA, Philippines - Utas ang isang binata makaraang pagbabarilin ng tatlo sa anim na motorcycle riding suspect na nakasuot ng face mask sa harap ng kanyang bahay sa Brgy. Batasan Hills, Quezon City, kamakalawa.
Sa ulat ng Quezon City Police District, nakilala ang biktima na si Hubert De Mata, 22, ng ng Muñoz St., Talanay Area B, ng nasabing barangay.
Nangyari ang insidente dakong alas-9 ng gabi kung saan ayon sa tiyuhin ng biktima na si Jaime de Mata, kasalukuyan niyang inaayos ang tindang balot nang makarinig siya ng mga putok ng baril sa lugar.
Nang kanyang tignan ay nakita niya ang biktima na duguang nakahandusay sa simento habang ang mga suspek ay patuloy na binabaril ito sanhi ng agaran nitong kamatayan. Matapos ang krimen ay agad na sumibat ang mga suspek palayo lulan sa tatlong motorsiklo.
- Latest
