Alvarez dinomina si Chavez sa kanilang non-title, 12-round catchweight fight

LAS VEGAS, Nevada - Dinomina ni Saul “Canelo” Alvarez si Julio Chavez Jr. sa pamamagitan ng una­nimous decision victory sa T-Mobile Arena.

Ginamit ng 26-anyos na si Alvarez ang 31-anyos na si Chavez bilang target practice kung saan siya na­kakonekta ng mga jabs, hooks at combinations sa ka­nilang 164-pound (75 kg) fight.

Binuska si Chavez, nag­dala ng four inch (10 cm) height advantage, sa bawat round hanggang matapos ang nasabing la­ban.

Itinuring ni Alvarez ang laban niya kay Chavez bi­lang isang sparring session sa gym.

Hindi siya umupo sa ka­buuan ng bakbakan.

Nakakonekta si Alvarez ng 228 punches kumpara sa 71 ni Chavez, anak ng pa­mosong Mexican boxing champion na si Julio Cesar Chavez Sr.

Pinaganda ni Alvarez, ang kasalukuyang World Bo­xing Organization light middleweight champion, ang kanyang win-loss-draw ring record sa 49-1-1.

Ang tangi niyang kabiguan ay nagmula sa mga kamao ni Floyd Maywea­ther, Jr. noong 2013.

Walang pinaglabanang ko­rona sina Alvarez at Cha­vez sa kanilang catchweight na 164lbs fight.

Bago pa man ang sun­tu­kan ay tumayo nang pa­borito si Alvarez na kanyang pinatunayan sa pagbugbog kay Chavez.

Dumugo ang ilong ni Chavez sa fifth round at sa final round ay halos mag­sara ang kaliwang ma­ta nito.