Floodbuster humirit sa Elite
MANILA, Philippines - Kaagad naramdaman ng Mahindra ang positibong resulta ng kanilang trade sa NLEX.
Umiskor si Glenn Khobuntin ng 15 points, habang may 9 markers si Eric Camson para tulungan ang Floodbuster na gibain ang Blackwater Elite, 96-87, sa 2017 PBA Commissioner’s Cup kagabi sa Smart Araneta Coliseum.
Winakasan ng Mahindra ang kanilang limang sunod na kamalasan para sa 2-7 record nila kagaya ng Blackwater.
“We felt the togethereness of these guys going into these guys was a high-value asset for us winning this game,” sabi ni head coach Chris Gavina kina Khobuntin at Canson. “We just committed to each other.”
Binanderahan ni guard Reden Celda ang Floodbuster sa kanyang team-high na 18 points at 4 assists, habang kumolekta si import Keight Wright ng 16 markers, 16 rebounds at 3 shotblocks.
Mula sa 68-70 pagkakaiwan sa third quarter at humarurot ang Mahindra sa fourth period para itayo ang 12-point lead, 91-79, buhat sa jumper ni point guard LA Revilla sa huling 4:33 minuto nito.
Sapat na ang nasabing double-digit advantage para talunin ng Floodbuster ang Elite.
Humakot si reinforcement Greg Smith ng 29 points, 25 boards at 6 assists para pamunuan ang Blackwater kasunod ang tig-11 markers nina Niño ‘KG’ Canaleta at Kyle Pascual at 9 ni guard Mike DiGregorio.
Mahindra 96 - Celda 18, Wright 16, Khobuntin 15, Camson 9, Paniamogan 8, Corpuz 8, Caperal 6, Revilla 4, Ballesteros 4, Teng 3, Yee 3, Salva 2, Elorde 0.
Blackwater 87 - Smith 29, Canaleta 11, Pascual 11, Digregorio 9, Cruz 9, Sena 7, Sumang 4, Gamalinda 4, Aguilar 2, Banal 1, Buenafe 0, Pinto 0.
Quarterscores: 25-26; 48-48; 68-70; 96-87.
- Latest