Philippines taekwondo jins kumolekta ng 5 silver at 3 bronze medals

MANILA, Philippines - Patuloy ang magandang ipinapakita ng Philippine taekwondo athletes sa mga international competitions nga-yong taon.

Humakot ang mga national taekwondo jins ng kabuuang limang  silvers at tatlong bronze medals sa katatapos na Asian Junior Taekwondo Championships sa Atyrau, Kazakhstan.

Nauna nang kumo-lekta ang Philippine taekwondo group ng 5 gold, 78 silver at 4 bronze medals sa 2017 ASEAN Championships na idinaos sa Perlis, Malaysia noong nakaraang buwan.

Sumabak sa free sparring, inangkin ng Meralco/MVP Sports Foundation jins ang apat na silvers at isang bronze.

Kumolekta naman ang PLDT Home Ultera/MVP Sports Foundation team ng isang silver at dalawang bronzes sa poomsae (forms) event.

Ang pilak na me-dalya ay nanggaling ki-na Carlo Dominic Dionisio, Rryshel Jasmine Ramirez, Beatrice Kassandra Gaerlan at Flo-rence Mae Chavez at si Abigail Faye Valdez ang nag-ambag ng bronze sa free sparring competition.

Sa poomsae, pinitas ni Justin Kobe Macario ang silver medal sa men’s individual freestyle, habang sina Patrick King Perez, Justin Carlo Mendoza at Jessie Daniel Ignacio ang kumuha ng pilak sa men’s team freestyle at sina Aidaine Krishia Laxa, Chelsea Xen Tacay, Jessie Daniel Ignacio, Justin Kobe Macario at Shane Jeremy Benavente ang nagbulsa sa freestyle team bronzes.

Tumapos ang mga la-dy jins sa fourth overall sa kabuuang 25 bansang lumahok, kabilang ang Korea, Iran at China.

Ang junior team ay sinuportahan ng Smart Communications Inc., Philippine Sports Commission at Philippine Olympic Committee.