Lupa ng oligarchs ipamimigay sa mahihirap
MANILA, Philippines - Seryoso umano si Pangulong Duterte sa kanyang banta sa mga oligarchs na hindi nagbabayad ng buwis na kakamkamin ang kanilang mga lupain para ipamigay sa mahihirap.
Ito ang sinabi ni Presidential Spokesman Ernesto Abella kaugnay ng naging pahayag ng Pangulo na uutusan niya ang sambayanang Filipino na okupahan ang mga lupaing pag-aari ng mga ito.
“I will ask the Filipino people to occupy the land that’s in your hands,” sabi ng Pangulo.
“Sumobra na kayo, sa totoo lang. This has to stop,” batikos pa ng Pangulo sa mga oligarchs.
Magugunita na binatikos ni Pangulong Duterte ang mga oligarchs sa kanyang Labor Day message mula sa Davao City dahil sa hindi pagbabayad ng tamang buwis sa gobyernoi.
Wika ni Duterte, hihilingin niya sa sambayanang Filipino na okupahan ang mga lupang pag-aari ng mga oligarchs na ito kapag hindi nagbayad ng tamang buwis sa gobyerno sa loob ng 3 buwan.
“It is only a warning. He will take certain steps to make sure that the erring parties will respond. President is serious to the matter that government properties need to be returned,” sabi naman ni Abella.
Ani Abella, nagbigay lamang ng babala si Pangulong Duterte sa mga tax evaders at tax cheaters ng sabihin nitong papaokupa niya sa sambayanang Filipino ang mga lupaing pag-aari ng mga oligarchs na hindi nagbabayad ng tamang buwis.
- Latest