Blatche duwa’g balik sa Gilas Pilipinas

CEBU, Philippines - Mas kondisyon ug andam nga Andray Blatche ang moduwa  sa Gilas Pilipinas sa umaabot nga SEABA Championship karong Mayo.

Si Gilas team manager Butch Antonio mikompirmar nga misanong na si Blatche nga moduwa sa Gilas sa sunod buwan ilabi na nga    nahuman ang Chinese Basketball Association diin siya niduwa isip import.

Si Blatche kabahin sa Xinjiang Flying Tigers nga midaog sa kampiyonato sa CBA human nila giharos ang Guangdong Southern Tigers.

Gawas sa SEABA, si Blatche moduwa usab sa FIBA Asia Cup sa Agosto nga  usa sa mga qualifiers alang sa FIBA World Cup nga mahitabo sa tuig 2019.

Hinuon, si Blatche   miuli una sa Estados Unidos aron magbakasyon ug  gilauman  kining   mobalik  sa tunga-tungang bahin karong buwana alang sa ensayo sa Gilas. (BANAT NEWS)