20 ka Sugbuanon mi-qualify sa NAGCC Grand Finals

CEBU, Philippines - Miabot sa 20 ka Cebuano players ang mopakita’g aksiyon sa 2017 National Age-Group Chess Championships  nga gikatakda karong Mayo 2-10 diha sa Knight Attack Chess Cafe sa Robinsons Galleria Cebu.

Kini human 13 ka pambato sa Sugbo ang nanghawod sa tagsa-tagsa nila ka age groups atol sa gipahigayong wildcard elimination niadtong Domingo diha gihapon sa Knight Attack nga giduma sa Cebu Executives and Professionals Chess Association (CEPCA).

Naglakip kini nila ni Zachary Uriel Donceras sa Mandaue ug Loisse Antonete Lozada sa Liloan (8-under), Dwayne Vin Abella sa University of San Carlos-BED ug Gabrielle Detuya sa Malabuyoc (10-under), John Lester Belano sa Subangdaku Elementary School ug Nicole Mae Mangubat sa University of Cebu (Under-12) ug  Jave Mareck Peteros sa USC-BED (14-under).

Sila si Jeremy Tanudra sa UC-LM ug Glybel Jane Quiñaloa sa University of San Jose-Recoletos (16-under), Edsel Vosotros ug  Christine Lyka Pondoyo sa UC (Under-18) ug Jethro  Esplanada sa USJ-R ug Keith Claire Carlisle Morala sa USC (20-under) miabante sab ngadto sa nationals.

Makigduyog sila uban nilang Jerish Velarde, KC Belano, Jonas Dustin Bajo, Chris Aldritz Pondoyo, Laila Nadera, Jeremy Bajo ug Spica Gonzales nga sayong mi-qualify. (BANAT NEWS)