Jazz misanta sa Warriors
CEBU, Philippines - Ang Utah Jazz nga daku na’g purohan nga molahutay sa Western Conference playoffs, mipakugang sa Golden State Warriors, 105-99 sa NBA kagahapon didto sa Oracle Arena sa Oakland, California.
Gumikan niini, nasanta ang 14 ka sagunson nga daog sa Warriors.
Si George Hill mitapos sa duwa uban ang 20 puntos, samtang si Rudy Gobert miposte og 17 puntos ug 18 ka rebounds sa Jazz nga nagtabla karon ug ang L.A. Clippers sa ikaupat nga dapit sa Western Conference sa managsama nilang baraha nga 50-31.
Samtang ang Warriors ni coach Steve Kerr segurado nang nakaangkon og homecourt advantage tibuok bahin sa playoffs isip No. 1 team sa liga.
Mikagar ang opensa ni Klay Thompson, samtang si Stephen Curry namugnaw human mikadlit og 28 puntos sud sa nag-unang tulo ka kuwarter.
Si Kevin Durant dunay 16 puntos, 10 ka rebounds ug unom ka assists sa ikaduha niyang duwa gikan sa knee injury. (BANAT NEWS)
- Latest
