AC Troopers , Quiñahan sud na’s Q’finals

CEBU, Philippines - Napapas na ang mga katahap sa AC Troopers/Bol-anon Eatery  nga makasud sa quarterfinals human nila matumba ang SIBA Tigers, 64-50  sa CELBA First Conference basketball tournament 2017 niadtong Sabado didto sa Canduman Housing gym, Mandaue City.

Balanse ang opensa  sa AC Troopers/Bol-anon Eatery  diin  ang   tanang 13   nila   ka    players pulos nakapuntos pinangulohan ni Rex Gonzaga nga adunay 13 puntos ug  upat ka rebounds.

Ang team leader nga si  P/Insp. Dondon Coloscos mipabuto og 11 puntos ug lima ka rebounds sa AC Troopers/Bol-anon Eatery nga milabaw og 21 puntos sa sayong bahin sa third period, 42-21.

Mikandos unta si Rey Judilla og 21 puntos ug milangkat og 20 ka rebounds uban ang tulo ka steals,  apan nakawang lang ang iyang mga paningkamot kay natagak man ang undermanned  nga SIBA Tigers ni Jennifer Velasco.

Sa pasiunang duwa, ang team Quiñahan hingpit na sab nga miabante sa quarterfinals human gipilde ang team Tion, 63-52.

Gipangulohan ni Richard Madrid ang Quiñahan uban ang 19 puntos, samtang si Marcial Marturillas miamot og 13 puntos.

Sila si Gerry Prieto ug Rebie Templado nagkumboya’g 24 puntos sa team Tion ni Rexy Tion.

Ubos sa superbisyon ni   interimpresident P/Insp. Dondon Coloscos, ang liga nga gipaluyohan sa Silogan Ni Gian giduma ni commissioner Albert  ‘Obeth’  Ramos sa abag ni Lloyd Chavez,ingon man nilang Razel Dacalos, Melyo Perez ug Chigz Gesulga.

Puntos matag usa

Unang duwa:

QUIÑAHAN (63) – Madrid 19, Marturillas 13, Beldera  9, Jacalan 8 Monsanto 8, Sabalones 2, Ocier 2, Seno 2.

TION (52) – Prieto 13, Templado 11, Mahipos 8, Tion 7, Capua 7, Abelong 4, Cabrera 2.

Ikaduhang duwa:

AC Troopers (64) – Gonzaga 13, Coloscos 11, Bautista 6, Saldua 6, Cabahug 4, Englis 4, Miñoza 4, Bontilao 3, Ferolino 3, Limosnero 2, Dakay 2, Chavez 2, Baclay 2.

SIBA Tigers (50) – Judilla 21, Bathan 7, Baguio 6, Federez 5, Miñoza 4, Borgonia 3, Velasco 2, Geonzon 2. (BANAT NEWS)