Cero sud sa boys 18 finals sa 22ND JRG Tennis CUP
CEBU, Philippines - Gipilde ni Rucel Cero ang mas lig-on nga Marc Pradel aron moabante sa finals boys 18 division sa 22nd JRG Gullas Tennis Cup kagahapon didto sa Naga City covered court.
Si Cero midaog sa straight sets, 6-2, 6-4 ug sangkaon niya sa finals si John Clyde Patterson nga miabante sab human gipalagpot si Francis Lambayan, 6-2, 6-4.
Sa boys 16 finals, magsangka sila si Venz Alforque ug Vinz Lominoque. Si Alforque mitagak ni Jayfor Canono, 6-2, 6-0, samtang si Lominoque mipalagpot ni Josh Largo, 6-3, 6-4.
Sa boys 12 finals, ang taga-Ormoc City nga si Nicholas Ocat ug Hans Cabellon maoy mag-ilog sa bulawan. Si Ocat midaog batok ni Mitch Largo, 6-1, 6-0 sa semis ug si Cabellon midaog batok ni Ehtan Quino, 6-4, 0-6, 10-7.
Magduwa sa finals sa girls 12 mao silang Tiffany Nocos ug Jullina Maravillas human sila midaog sa tagsa-tagsa nila ka mga semifinal match batok nila ni Hela Riza Coderos ug Kitim McKenzie.
Mag-ilog sa korona sa unisex 10-under sila si Vincent John Cañete ug Douglas Maravillas. (BANAT NEWS)
- Latest