Pang-giyerang barko naman ng New Zealand nasa Maynila
MANILA, Philippines - Dumating na kahapon sa bansa ang Her Majesty’s New Zealand (HMNZ) Te Kaha (F77) ang 1st Class Frigate o warship ng Royal New Zealand Navy (RNZN) na dumaong sa Pier 15, South Harbor sa lungsod ng Maynila para sa 4 araw nitong ‘goodwill visit’.
Ayon kay Philippine Navy Spokesman Captain Lued Lincuna ang Te Kaha (F77) ay mananatili sa bansa hanggang sa April 7.
Nagsagawa naman ng ‘customary meeting procedures ‘ ang BRP Rajah Humabon (FF11) ng Philippine Navy sa bisinidad ng Corregidor Island na nag-escort sa nasabing warship.
Samantalang ginawaran rin ng ‘welcome ceremony’ ng mga opisyal ng Philippine Navy sa Pier 15, South Harbor sa lungsod ng Maynila ang bumisitang warship ng kaalyadong bansa.
“The four-day visit will include series of confidence building engagements between PN and RNZN personnel such as courtesy call on the Flag Officer In Command, wreath laying ceremony at Rizal Monument in Luneta, shipboard tour, reciprocal receptions and goodwill games”, pahayag ni Lincuna.
Samantala, magkakaroon rin ng send–off ceremony at kinagawiang Passing Exercise (PASSEX) sa pagitan ng F77 at ng Philippine Navy warship sa bisinidad ng Corregidor Island.
- Latest
