Mag-ina, lover na nasa drug list, itinumba
MANILA, Philippines - Namatay noon din ang isang mag-ina at live in partner nang pasukin ang kanilang bahay at pagbabarilin ng mga suspek kamakalawa ng gabi sa Caloocan City.
Ang mga nasawi ay kinilalang sina Wilma Liwanag “alias Ada”; anak na si Aries, 31 at ang live-in-partner ng una na kinilalang si “alias Boy, nasa 55 hanggang 60-anyos.
Nasugatan naman ang anak ni Aries na si Albert Liwanag, 5 nang tamaan ng ligaw na bala sa kaliwang balikat.
Batay sa ulat, bago naganap ang krimen dakong alas-9:50 ng gabi ay nagpapahinga ang mga biktima loob ng kanilang bahay na matatagpuan sa Block 3, Lot 8, Phase 9, Package 7 Brgy. 176, Bagong Silang nang puwersahang pumasok ang mga suspek na naka-bonnet at face mask at agad na pinagbabaril ang mga biktima.
Mabilis na tumakas ang mga suspek at dinala sa ospital ang bata nang tamaan ng ligaw na bala.
Narekober ng pulisya sa pinangyarihan ng insidente ang apat na basyo ng bala ng kalibre .45, plastic sachet na naglalaman ng hinihinalang shabu at drug paraphernalia.
Ayon sa Caloocan City Police, nasa “drug watch list” nila ang mga biktima.
- Latest