Walang Kredibilidad ang Award ni Teacher
Dear Vanezza,
Nawalan ako ng tiwala sa adviser ko sa high school. Mas binigyan niya ng pabor ang kanyang pamangkin para maging first honor ng section namin. Pero kapag ang nagtatanong ng lesson namin ay yung pinakamagaling sa amin ay hindi niya pinapansin. Panay sigaw at pagsusungit pa ang inaabot ng ibang classmates namin sa aming teacher. Pero kapag pamangkin niya ay may tutor pa talaga siya kahit tapos na ang klase. Hindi naman ako bitter, pero nakikita namin sa classroom na talagang may favoritism siya na nagkataon pa na pamangkin niya. ‘Di ba nakakawala ng integridad at kredibilidad ang award niya? Dahil hinayaan ng teacher namin na bumaba ang grades sa klase namin ang mga estudyanteng mas deserving sana sa award. – Erik
Dear Erik,
Maaaring tama ang hinala mo sa iyong teacher, pero huwag itong maging hadlang na magsumikap na mag-aral sa susunod na taon. Para patunayan na hindi kailangang maging teacher’s pet upang matuto o magka-award sa klase. Puwede naman mag-report sa inyong principal o administrator para maimbestigahan ang pangyayari, kung totoo ang iyong hinala.
Sumasainyo,
Vanezza
- Latest
