Gf nabaril, mister nabuking ni misis!
SANTA ANA, Cagayan , Philippines – Natiklo tuloy na may kabit ang isang mister matapos na mabaril nito ang kanyang kasintahan dahil sa selos sa Barangay 54-B Camanggaan Laoag City, Ilocos Norte, kamakalawa.
Nakilala ang nabuking na mister na si Silver Agudong, ng Barangay 18, Sarat, Ilocos Norte.
Napag-alaman na nabaril ni Agudong ang kanyang umano’y kabit na si Raylen Ramilo, 25, tubong Abulon, Batan, Aklan at pansamantalang naninirahan sa Brgy. 54-B, Camanggaan sa nasabing lungsod matapos magkaroon umano ng pagtatalo ang dalawa.
Sinasabing nagselos umano si Agudong kung kaya’t nabaril niya ang babae na mabilis isinugod sa Governor Roque Ablan Senior Memorial Hospital matapos tamaan sa tiyan.
Agad namang nahuli ang suspek at nakumpiska sa kanya ang isang .45 caliber pistol na ginamit sa pamamaril.
Dahil sa pangyayari, tuluyan na umanong nabuking ng misis ang mister na may itinatagong ibang babae.
- Latest
