Drayber nga nakatulog, nabangga sa kahoy, patay

CEBU, Philippines - Drayber nga gituohang nakatulog samtang nagmanehho, nakalas human kini nabangga sa kahoy nga mahogany sa may National Highway sa Barangay Canlumacad sa Lungsod sa Santander niadtong miaging alas 4:30 sa kadlawon.

Ang nakalas naila nga si Ramil Vertudez, 41-anyos, ulitawo, lumad nga taga Santa Catalina sa Negros Oriental kinsa nagmenho og Elf Canter.

Matud ni PO3 Antonio Belesco, desk officer sa Santander Police Station nga gikan sa Lungsod sa Ginatilan si Vertudez ug adunay kargang ginabas nga mahogany ang iyang gimaneho’ng truck ug paingon kini sa Brgy Liloan, Santander dihang pag-abot sa lugar nahitabuan, wala na kini misubay sa iyang lane ug didto kini mipaingon sa mahogany nga kahoy.  Daku ang pagtuo sa kapolisan nga nakatulog ang biktima samtang nagmaneho. Dugang ni PO3 Belesco, nakalas si Vertudez kay napiit kini sa iyang gisakyan. - /DILT) (BANAT NEWS)