Grupo ipaumol alang sa Rural Development Project

CEBU, Philippines - Si Gobernador Hilario Davide, III miluwat og kamanduan sa pag-umol sa Provincial Core Planning Team alang sa Philippine Rural Development Project (PRDP).

Giingong ang probinsiya sa Sugbo usa sa pipila ka mga probinsiya sa nasud nga napiling moapil sa PRDP.

Ang kagamhanan sa probinsiya aduna na kini naumol nga Provincial Program Management and Implementing Unit (PPMIU) nga maoy nagsilbing local implementing body sa malampusong implementasyon sa 6-year PRDP, mao usab kini ang mag-andam sa mga work plan ug budget, undertaking monitoring ug evaluation ug overall accounting ug financial management.

Gipasabot sa gobernador nga gawas sa PPMIU nagkinahanglan usab nga mag-umol og Provincial Core Planning Team (PCPT) nga maoy mag-andam sa Provincial Commodity Investment Plan (PCIP) ubos sa assistance ug supervision sa Department of Agriculture Regional Field Office-7 Planning Monitoring Division sa onset sa pagpahigayon sa commodity value chain analysis.

Si Dr. Roldan Saragena, provincial agriculturist maoy team leader sa PCPT ug ang mga miyembro langkuban nila ni Arch. Florentino Nimor, Jr, hepe sa Provincial Planning and Development Office (PPDO); Benigno Christopher Lucero sa PPDO; Eng. Edgar Carredo sa Provincial Engineering Office; Nerces Bispo sa PPDO; Maria Teresa Abella sa Provincial Agriculture Office; Dr. Mary Rose Vincoy, provincial veterinarian; Philippine Coconut Authority Focal Person for Cebu Province; Provincial Fishery Officer sa Bureau of  Fisheries and Aquatic Resources Focal Person for Cebu Province; Bureau of Agriculture Statistics Focal Person for Cebu Province ug Department of Environment and Natural Resources Focal Person for Cebu Province. - /DILT) (BANAT NEWS)