60-anyos lolo inutas ng tandem
CAMARINES NORTE, Philippines - Patay ang isang 60-anyos na lolo makaraang barilin ng shotgun ng riding-in-tandem sa bahagi ng Purok Maligaya, Brgy Poblacion, Mandaon, Masbate kamakalawa. Idineklarang dead-on-arrival sa Mandaon Community Hospital ang biktimang si Esmiraldo Miguel, ng nasabing barangay makaraang magtamo ng tama ng bala ng shotgun sa kanyang katawan ng hindi pa nakikilalang mga suspek. Matapos na masigurong patay na ang biktima agad na tumalilis ang suspek sakay ng isang motorsiklo patungo sa direksyon ng Brgy. Tumalaytay, Mandaon. Dakong 6:45 ng gabi, ang biktima ay kararating lamang ng kanilang bahay sakay ng kanyang motorsiklo nang biglang dumating ang mga suspek at walang habas na pinutukan. May posibilidad umano na matagal na alitan sa lupa ang ugat ng krimen. Patuloy na tinutugis ng mga awtoridad ang mga suspek.
- Latest