Obrero dinedo ng kabaro sa barracks

CAVITE, Philippines -  Pinaniniwalaang may matinding galit kaya napatay ang isang manggagawa matgapos itong saksakin ng kanyang kasamahan sa trabaho sa Bacoor City, Cavite kamakalawa ng gabi. Kinilala ang napatay na si Bayani Labugin, stay-in construction worker ng 5 R’s Construction Corp. at naka-assign sa JAL Mega Link warehouse sa Barangay Niog 3 sa nasabing lungsod. Pinaghahanap naman ang suspek na si Ambrocio Versoza, 30, ng nasabing barangay. Base sa police report na nakarating sa Camp Pantaleron Garcia, nag-iinuman ang biktima at suspek sa kanilang barracks nang mauwi sa matinding pagtalo ang dati nilang away kaugnay sa trabaho. Gayunman, napikon ang suspek sa tinuran ng biktima kaya naganap ang pananaksak. Narekober sa crime scene ang patalim na ginamit ng suspek sa krimen.