Doktor dedo sa ambush
MANILA, Philippines - Napaslang ang isang doktor malkaraang tambangan ng mga hindi kilalang kalalakihan sa Kapatagan, Lanao del Norte noong Miyerkules ng gabi.
Kinilala ang biktima na si Dreyfuss “Toto” Perlas na nagtamo ng mga tama ng bala sa iba’t-ibang bahagi ng katawan.
Ang biktima ay tubong Batan, Aklan kung saan naninirahan na ang pamilya nito sa Iloilo at isang rural doctor na dumarayo sa malalayong lalawigan para maghatid ng serbisyo sa mga mahihirap na maysakit.
Sa ulat ng Lanao del Norte Police na naisumite sa Camp Crame naitala ang krimen bandang alas -7 ng gabi habang ang biktima ay lulan ng motorbike na bumabagtas sa kahabaan ng nasabing lugar.
Nabatid na bigla na lamang pinagbabaril ang biktima ng hindi pa nakilalang kalalakihan.
Nabatid na si Perlas ay isa ring municipal health officer sa bayan ng Sapad, Lanao del Norte kung saan nagboluntaryo rin ito sa Doctors to the Barrios Program ng DOH.
Ang mga suspek ay mabilis na nagsitakas patungo sa hindi pa malamang destinasyon kung saan isinasailalim pa ng mga awtoridad sa imbestigasyon.
- Latest