VM Joy B, sasanayin ang 300 lady tanod sa arnis
MANILA, Philippines - Mula ngayong araw ay pormal nang isasailalim sa Arnis para sa Barangay Tanod Training Program ni QC Vice Mayor Joy Belmonte ang may 300 kababaihang tanod mula sa iba’t ibang barangay ng Quezon City ngayong Women’s Month.
May 10 araw na tuturuan ng arnis ng mga instructors ng Arnis Philippines Inc., upang magkaroon ng kaalaman at kasanayan para mapangalagaan ang sarili at mga naninirahan sa kani-kanilang komunidad mula sa masasamang elemento.
Ang arnis na national martial at sport ng bansa ay may malaking pakinabang para magkaroon ng higit na disiplina at magkaroon ng maayos na pangangatawan at masiglang kaisipan ng mga sasailalim sa programa.
Kasama ni Vice Mayor Belmonte sa pagpapatupad ng programa ang Rotary Club New Manila QC at Ar-nis Philippines Inc.
- Latest