Ngipin sa Greece Itinatapon sa Bubungan

Maraming tradisyon na may kinalaman sa ngipin ang nagsimula sa kuwentu-kuwento lamang. Tulad na lang ng tooth fairy kung saan, ang natanggal na ngipin ay dapat mong ilagay sa ilalim ng unan at bilang kapalit ay bibigyan ka ng ginto o pera.

Sa Greece ay iba naman ang ginagawa ng mga kabataan. Kapag natanggal ang kanilang baby teeth, kailangan daw nila itong ihagis sa bubungan ng kanilang bahay para maging maganda at malusog ang pagtubo ng mga bagong ngipin.

Pero kahit ano’ng effort na ipalaganap ang tradisyong ito, kabaliktaran ang nangyayari sa mga ngipin ng kabataan sa Greece. Ayon sa report na lumabas sa Reuters noong 2015, ang mga kabataan sa Greece ang isa sa may pinakamalalang problema sa ngipin sa buong Europa. Parte umano ng rason nito ang kahirapan dahil hindi na nagpupunta sa mga dentista ang mga kabataan dahil sa mahal ng pagpapadoktor.