Sen. Leila arestuhin!-RTC
MANILA, Philippines - Nagpalabas ng arrest order ang Regional Trial Court (RTC) laban kay Senator Leila de Lima dahil umano sa pagkakasangkot nito sa illegal drug trade sa New Bilibid Prison (NBP).
Si Presiding Judge Juanita Guerrero ng Muntinlupa Regional Trial Court (RTC) Branch 204 ang nag-isyu ng arrest warrant.
May tatlong criminal cases ang kinakaharap ni De Lima na hawak nina Muntinlupa RTC branches 204 (Judge Juanita Guerrero), 205 (Judge Amelia Fabros-Corpuz) at 206 (Judge Patria Manalastas-de Leon) na ini-raffle noong Lunes.
Ayon naman kay Justice Secretary Vitaliano Aguirre na inaasahan na niya ang pagpapalabas ng arrest warrant dahil sa malalakas na hawak nilang ebidensiya at hindi rin ito nagsampa ng counter affidavit at hindi na niya maiiwasan ang pag-aresto sa kanya ng iba’t ibang police agencies tulad ng Philippine National Police, Criminal Investigation and Detection Group, o maging ang National Bureau of Investigation.
Sinabi ng Department of Justice (DOJ) na si De Lima ay lumabag sa sections 5 and 22 of Republic Act 9165 or the Comprehensive Dangerous Drugs Act pertaining to the sale, administration, dispensation, distribution and transportation of dangerous drugs.
Ang tatlong reklamo ay isinampa ng Volunteers Against Crime and Corruption (VACC), mga NBI deputy directors Reynaldo Esmeralda at Ruel Lasala, at Bilibid inmate Jaybee Sebastian.
Kasama din sa kaso ang kanyang driver-bodyguard at lover Ronnie Dayan,dating Bureau of Corrections (BuCor) Director-General Franklin Jesus Bucayu, dating BuCor OIC at NBI deputy director Rafael Ragos, Wilfredo Elli, Jaybee Sebastian, Joenel Sanchez at Jose Adrian Dera. -Lordeth Bonilla, Doris Franche Borja, Rudy Andal-
- Latest
