Ang suka sa mansanas (2)
Gihisgotan nato sa miaging isyu ang mga kapuslanan o benepisyo sa paggamit sa suka sa mansanas (apple cider vinegar) nga makapabalik sa kahamis ug makaayo sa ‘acne’ o bugas-bugas sa nawong.
* Sa buhok — Mopahumok ug mopalig-on nga mosinaw, nga makapawagtang sab kini sa kaspa (1 ka parte sa ACV, sagolan og 1 ka parte sa tubig) nga gamiton kini human mag-shampoo.
* Napagba o nahilos sa adlaw (sunburn) – aron dili mangunot ug mahupay ang kahapdos sa panit nga nasunog sa adlaw, mas maayo nga manghaplas og lana sa lubi (coco oil) sa dili pa maligo, aron dali moalibyo. Kun maligo, sagolan og ACV (1 ka tasa sa ACV ug ibubo sa bath tub nga may tubig.
* Sa pagpanglimpyo (disinfectant) — Sa unsa man nga mga lang-og nga baho, ang tunga sa tasa nga ACV sagolan og usa ka tasa nga tubig. Itrapo kini sa dapit nga apektado sa baho, aron ang palibot mahingos ang kahumot sa mansanas.
* Pagpapresko sa sulod (air freshener) — Ang usa ka tasa nga ACV sagolan og usa ka tasa nga tubig. I-spray kini aron magsilbe nga deodorizer. Mabatyag nato ang kahayahay sa pagginhawa.
* Mga kuto sa binuhing hayop (pet) — Usa ka tasa sa ACV sagolan og usa ka tasa nga tubig, moabog kini sa mga kuto o pulgas nga mopalig-on ug makapasinaw sa ilang mga buhok.
* Sa tanaman (garden) — Pamatay sab kini sa mga dangan nga sagbot nga modaot sa tanom. Ang upat ka kutsara sa ACV nga sagolan og usa ka gallon nga tubig, isulod sa botelya ug i-spray sa mga nanurok nga sagbot.
* Panghugas sa abot sa kaumahan —Sama sa prutas ug bungahoy, aron malimpyohan gikan sa namilit nga hugaw o pesticides.
- Latest