Robinson III bagong slam dunk king
NEW ORLEANS – May bago nang kampeon sa Slam Dunk Competition at sa Three-Point Shootout.
Tinalo ni Glenn Ro-binson III ng Indiana Pacers si Derrick Jones Jr. ng Phoenix Suns sa kanilang finals match up sa slam dunk event ng 2017 NBA All-Star Weekend.
Kinuha ni Robinson, anak ni dating NBA star Glen Robinson ang assist mula sa kanyang India-na teammate na si Paul George at niliparan ang Pacers’ mascot at isang Pacers cheerleader para sa kanyang two-hand, reverse jam at nakuha ang perfect score sa kanyang final dunk.
“I know I’m a jumper. Like I said, I’m a guy that stays out of the way, but when it’s time to shine, that’s my thing,” sabi ni Robinson. “I knew all along I had some things planned and I just wanted to show the world.”
Nakakuha si Jones ng perfect score sa kanyang ikalawang dunk kung saan tinanggap niya ang bounce-pass, inilusot ang bola sa pagitan ng kanyang mga binti bago isalpak ang isang left-handed jam.
“I thought I would go up against Derrick in the finals,” ani Robinson kay Jones “I’ve seen the things that he can do. That guy can jump.”
Ang unang dunk ni Robinson ay ang paglundag sa isang lalaking nakaupo sa balikat ng isa pa.
Sinabi niyang si 2000 dunk champ Vince Carter ang isa sa kanyang naging primary influences bukod pa kay Michael Jordan.
“Vince Carter did one of his best dunks first, and it kind of intimidated people. That’s what I wanted to go out and do,” wika ni Robinson. “Who knows if it worked, but they missed some of their dunks and it gave me a little more room.”
Hindi naman umabot sa second round sina DeAndre Jordan ng Los Angeles Clippers at Aaron Gordon ng Orlando Magic.
Sa three-point contest, tinanggalan ni Houston Rockets guard Eric Gordon ng korona si Golden State splash brother Klay Thompson.
Nagsalpak si Gordon ng 21 points sa final-round tiebreaker nila ni Cleveland Cavaliers guard Kyrie Irving, ang 2013 winner na nagtala ng 18 points.
Naghari naman si Kris-taps Porzingis ng New York Knicks sa big men’s Skills Challenge matapos talunin si Gordon Haywood ng Utah sa finals.
- Latest
