Human rights lawyer gipatay
TAGBILARAN CITY, Philippines – Patay nang usa ka human rights lawyer human kini gi-ambush samtang sakay sa iyang awto kauban ang tulo niya ka mga anak ug katabang diha sa Purok 2 sa Sitio Lanao sa Brgy. Dao, Tagbilaran City.
Sumala pa ni Senior Superintendent Nicomedes Olaivar, City Police chief, si Mia Manuelita Mascariñas-Green nagmaneho sa iyang Toyota Innova (plate no. ABM 9572) dihang gituparan sa riding-in-tandem ug kalit gipaulanan og bala.
Way laing naigo sa mga anak ug kauban ni Green sa maong pagpamusil. Siya nakabsan sa kinabuhi samtang gitabang sa Holy Name University Hospital tungod sa daghang samad pinusilan nga naangkon sa iyang kalawasan. Nakuha sa crime scene ang 20 ka basiyo sa bala sa .45-caliber ug .9mm pistols.
Sumala pa sa kapolisan walay kaso sa ilegal drugs nga gihuptan si Green apan ang sagad sa iyang mga kliyente mga kabus ug biktima sa human rights abuses.
Si Tagbilaran City Councilor Anthony Aniscal, sa FB post niini mipahibalo nga ang pamilya ni Green andam mohatag og P500,000 reward alang sa makahatag og impormasyon ug pagkasikop sa mga mamumuno. Ric V. Obedencio sa The Freeman (BANAT NEWS)
- Latest
